شباب الزقرت X شباب الكول موضوع حـــــــدهـ فـله

كيف الحال شخباركم شعلومكم وش مسوين ان شاءلله بخير وعافيه وصحه وسلامه^_^

بقول لكم شي << قولي قا

ترى وربي صار لي حول الاسبوع ابي اكتب موضوع هنا ويكون من جعبتي العزيزه

بس مافيه افكار ابد ابد .. لين ماطلعت بهالفكره اللي بكتبها لكم الحين وعلى الله انها تعجبكم

بس هاااه اللي مايعجبه الموضوع يكتب لي (( م.ع.س)) اختصار ((ماعندك سالفه))

اكون شاكر للي يشوف ان ماعندي سالفه يحط لي هالاختصار عشان مايجرحني <<< اما يجرحك هع

بخاطري اقول لكم نكته بس اذا ماتضحك سلكوا لي عادي حطوا (( هههههههههه )) منتوا خسرانين شي


محشش يبي يسوي رجيم
قاله الدكتور : كل يوم امش 3 كيلو
بعد ثلاث شهور دق على الدكتور
قاله : دكتور وصلت عرعر اكمل ولا خلاص؟

شرايكم بالنكته

موضوعي اليوم يتحدث عن فئتان من فأت الشباب شتان بينهم << قسم بالله متعوب عالجمله ^_^

المجموعه الاولى (( الزقرت )) والمجموعه الثانيه (( الكول )) طبعاً الاسامي ابد ماهي غريبه عليكم

والكل سامع فيها واغلبنا نقولها مثلاً شفنا واحد كوول نقول له يالكوول << قول والله

ولو شفنا واحد زقرت نقول له يا زقرت << جد والله؟؟

بس على مين تطلق الزقرت وعلى مين تطلق الكول

وماهو الكول وماهو الزقرت

ومااهتمام هذا ومااهتمام الثاني سوف نتعرف على الاثنين بعد قليل << طيب والثلاثا متى نتعرف عليه

فاصل اعلاني :-


كان فيه ولد طفران
(ما عنده ولا ريال)
راح لأبوه
وقاله :عطني 15 ريال,,ودي اشتري كوره
الأب :أقول إنقلع عني تراها واصله معي
الولد :تكفا يبه,,بس 15 ريال
ولا أقول لك خلها عشرة ريال
الأب :ما عندي فلوس ...
إذا تبي فلوس رح بع الديك حقك المريض اللي بالحوش ..
الولد :بس هذا مريض وما أحد بيشريه
الأب :ما علي منك...دبر نفسك
والله الولد استسلم للأمر الواقع
واخذ الديك
أول واحد قابله في وجهه
أكيد أبوه....
قاله الولد :تشتري الديك؟
الأب :أقول بتنقلع عني
ولا أقوم اتوطا في بطنك؟
الولد :خلاص خلاص لا تنفخ
طلع الولد من البيت ومعه الديك
في محاولة يائسة إن الديك ينباع
عرض الديك على أهل الحارة كلهم
ولا واحد فيهم قبل إنه يشتري الديك
قال الولد :ممممممممم,
والله مالي إلا فلانة,,
عقلها خفيف وأكيد بقدر ألعب عليها بسهوله
فلانة هذي
كانت وحدة متزوجة بس
للأسف كانت رايحة فيها
وتلعب بذيلها من ورى زوجها
راح لها الولد عشان يبيع عليها الديك
الولد :تشترين الديك تكفين؟
الحرمة :هلا والله بحبيبي ..
تعال قرب مني عشان أبوسك بوسه خفيفة
الولد :أقول ما ني فاضي لك..
خذي مني الديك وخليني أروح
الحرمة :تروح وين يا عمري!!
أنا ما صدقت إني شفت رجال عندي في البيت ..
الولد :ومنهو اللي قال لك إن أنا رجال؟
خذي مني الديك وخليني أنقلع
شوي
إلا الباب يدقخافت الحرمة
وقالت للولد :تعال إنثبر هنا في الدولاب
لا يطلع زوجي ثم نروح فيها.
حطت الولد في الدولاب وراحت فتحت الباب
إلا وطلع لها صديقه ا اللي تخون زوجها معه ..
الحرمة :هلا والله بعمري وحياتي
الرجال :يا هلا فيك عمري...
ما أمدا الرجال يكمل كلمته
إلا والباب يطق
الحرمة :يا ويلي ويلاه....
هذا شكله زوجي.....
تعال وادخل في الدولاب دخل خوينا في الدولاب
وفجأة
في عز الظلام سمع صوت يكلمه داخل الدولاب
ويقوله :تشتري الديك؟
الرجال :اصصصصصصصص.......
رخ صوتك الله يرحم والديك لا تفضحنا
الولد :أقول تشتري الديك؟
الرجال :يا خوي خلاص باشتري الديك بس قصر على حسك تكفا...
الولد :طيب
الرجال :بس بكم تبيعه؟
الولد :بــ 100 ريال
الرجال :ايش!!!!!!!!!!!! هالديك المنتوف المريض بــ 100ريال
الولد :وش دراك أنه منتف و مريض ؟
المهم تبي تشتري ولا ارفع صوتي؟
الرجال :لا لا خلاص.....
اباشتري وأمري لله
جلسوا 5 دقائق
الولد :تبيع الديك؟
الرجال :توك بايعه علي يا بن الحلال!!
الولد :تبيعه علي ولا ارفع صوتي؟
الرجال: لا لا خلاص....
ببيعه وأمري لله....
بكم تشتريه؟
الولد :بريال
الرجال :أيش!! بريال!!!!
أنا مشتريه منك بـــ 100 ريال وأنت تشتريه مني بريال!!!!!
الولد :تبيعه علي ولا ارفع صوتي؟
الرجال : لا لا
خلاص..
ببيعه وأمري لله
جلسوا 5 دقائق
الولد :تشتري الديك؟
الرجال :ياخوي توني مشتريه منك!
الولد :تبي تشتري ولا ارفع صوتي؟
الرجال : لا لا
خلاص....
أباشتري وأمري لله.....
بكم تبيعه؟
الولد :
بــ200 ريال
الرجال :
الله يمحط بك إنشاء لله......
توني مشتريه منك بــ 100 ريال!
الولد :تبي تشتري ولا ارفع صوتي؟
الرجال:لا لا
خلاص....
أباشتري وأمري لله
جلسوا 5 دقائق
الولد :تبي ع الديك؟
الرجال :إنَّا لله وإنا إليه راجعون.....
بكم تبي تشتريه؟
الولد :بريال
الرجال :
وش تبيني أقول!!
تبيني أبكي ولا أشقق هدومي....
يالله خذ الديك وببلاش
بعد أن اخذ الولد الديك
شوي إلا الحرمة فاتحة عليهم الدولاب
وقالت لهم : يالله بسرعه إنحاشو دام إن زوجي في الحمام.
بس واحد ورى الثاني وبشويش عشان لا يحس فيكم زوجي
طلع الرجال وانحاش
ولحقه الولد بعده ب5 دقائق
المهم...
قام الولد يتمشى في الشارع وهو مستأنس إن صار معه فلوس ..
بعدين راح للبيت يوم دخل البيت شاف أبوه قدامه ..
راح قال لأبوه:
تشتري الديك؟
الأب ناظر فيه والشرار طالع من عيونه
وقاله:
ما يكفيك يا بن (.؟.؟.) الــ 300ريال

شرايكم بالله عجبتني القصه بصراحه
ترى للحين مادخلنا موضوعي اللي من جعبتي هع


طيب نرجع لمحور حديثنا ومسقط راس الموضوع

شباب الزقرت :-

تعريف الزقرات : انسان زهق وطقت تسبده من الحياة وعايش لاجل يعيد الماضي
مميزات الزقرت عن غيره:-

1- ثوبه وسيع اصفر كان بالماضي ابيض

2- ترسيمته بالشماغ ثابته ومن غير عقال حتى اخر لحظه

3- دائماً السبحه في يده حتى وهو نايم

4- نعال زبيراويه عنده من قبل 10 سنين

5- لايعترف بالسروال الطويل تحت الثوب سناوي وبس

6- وجود بقعه مرق باميه على حافة كم ثوبه (( المرق= ايدام ))

7- براطمه سودااااا من كثر التدخين

8- يستعمل كلمات قديمه رغم تطوره وعلمه بالكلمات الحديثه

9- يتطنز كثيراً من الكول واللي مو زقرت

10- يحش بالاوادم كثير كثير


طموحات الزقرت واحلامه واهم الاشياء في حياته :-

1- يشتري ددسن او جمس حوض لبيع الجح فيه (( جمس حوض= الوانيت الاحمر الكبير ))

2- يقدم اداء جيد في الكيف وخاصه اذا كان اغاني عراقيه (( الكيف= حفلة شياب ))

3- استكانة الشاهي بعد كل وجبه وفي كل حين (( استكانه = بياله ))

4- كل سبحاته سارقهم من شباب زقرتيه مثله

5- اربع وعشرين ساعه السجاره بفمه ويدخن


صوره لانسان زقرتي :-




ولكن للاسف لاتحضرني الا هالصوره بصراحه دورت مالقيت ^_^

وعبدالحسين ماقصر صور لي وهو مسوي زقرت .. وكذا شكلهم الزقرت


صوره لسيارة زقرت :-






عرفنا الحين وشو يعني زقرت ^_^
واتوقع الكل انصدم لما عرف معنى كلمة الزقرت
بس نسيت اقول لكم احلى ميزه بالزقرت :-

شباب الكول:-

تعريف الكول:انسان مايدري وين الله حاطه ويحب تقليد الغرب ويكره الماضي ويكره الزقرت

مميزات الكول:-

1- مايعترف بالثوب ابد ودايم بناطيل يلبس
2- لازم الشعر طويل ومسويه كدش ((كدش= كلمه كوليه معناها شوشه))
3- ماتفرق بين ايده وايد البنت كلهم حاطين اساور الوان وانواع
4- جزمه وحده عنده ولونها وردي ويلبسها على كل شي (( غيران من باربي ))
5- لازم ولابد منزل شويه من البنطلون ومطلع البوكسر (( مسوي اغراء حلايا فيسه))
6- براطمه دايم تلمع من الملمع واحيانا تشوفها ملونه من الروج
7- يستعمل بعض الكلمات الانجليزيه رغم تفهمه انه غبي مثل (( كيوت..نايس..سويت ))
8- يتطنز على الزقرت واللي مو كول واللي مو كول يستحقره
9- هياط على غير سنع
10- لازم حاط كم سلسال على رقبته

طموحات الكول واحلامه واهم اهتماماته:-
يشتري سياره جديده لان صديقه شراء سياره جديده
يرقص رقص غير طبيعي بحفلات الويك اند ولا رقاصه
بايسن في كل حين عشان يصير قوي (( ياقلبس ))
كل اساوره وسلاسله سارقهم من اخته
اربع وعشرين ساعه يفر ويرقم بنات خلق اللهصور بعض الكول وياكثرهم







سيارة واحد كوولي :-



سؤال يطرح نفسه وش يحسون فيه؟؟
الشي الثاني اهلهم عادي يكون ولدهم كذا بهالشكل ؟؟
مافيه فرق بينه وبين اخته ؟؟
ماعلينا من احد يالله لك الحمد والشكر
طيب يا اعضائنا الغالين شرايكم بالزقرت وشرايكم بالكول من احسن؟
ولا كلهم ماينفعون ^_^ انا احس كلهم ماينفعون هع ياحلو العادي
اللي لاهو كذا ولاهو كذا ..
بس من جد من جد يقهرون الكووول بزياده صحيح ان الزقرت بعد يقهرون بس مو مثل الكول
ياخي يمشي بسوق ولا بمكان عام وبنطلونه شوي ويطيح سلاااااامات
وش تبي بالحياة انت ولا اللي مطول شعره وحاط لي تاج اخته براسه والعلك بفمه
ويمشي لي حبه ونص ياشيخ فيك شي منت واثق برجولتك روح انتحر ازين لك
استغفرالله ..
ولا سالته وش تحس فيه ؟؟ يقول لك احس اني كول كول في خشمك أي كول يلعن ام شيطانك ^_^
الحين من الشباب الكل بيقول لا ماني كووول ولا زقررت حركاتكم يالشباب اعرفكم ^_*
<<<شعنده الشايب هع
والحين البنات كلهم يقولون وععع مو حلوين الكول وا وا وا ... ولا جا وقت الجد وشفتوا واحد
مسوي هالحركات قلتوا واااااو يجنن كووووول كيوووت ... الخ سوالفكم يالبنات ^_*



كان في جعبتي هالشي وحبيت اطلعه لكم وسوري عالقصور
لان كان ودي اني اخلي الموضوع احلى من كذا بكثير
بس هذا اللي طلع معاي .. واتمنى يكن عجبكم ^_^

كل الورد* بنـوته رجـه*

ههههههههههههههههههههههههههههههههههههههههههههههههه موضوع رايق

مشكورهــ عــــــلى الــــــــــرد dlo3ah alriadh

تحـــــــياتـي بــــــــنوته مـــــرهـ رجـــه

مشكورين على الردود

مشكورين على الردود